Крилниот напаѓач на Милан, Рафаел Леао, би можел наскоро да ја продолжи својата кариера во Премиер – лигата. Според информациите на „Caught Offside“, за португалскиот репрезентативец сериозен интерес покажуваат Арсенал и Челси.
„Топчиите“ подготвуваат понуда вредна 85 милиони евра за 26-годишниот Леао. Од друга страна, Челси засега нема конкретна понуда за зимскиот преоден рок, но минатото лето беа подготвени да платат 113 милиони евра.
Договорот на Леао со Милан има важност до јуни 2028 година. Оваа сезона тој има осум настапи за клубот во сите натпреварувања, на кои постигна пет голови и забележа една асистенција.
