Струга Трим Лум има четири победи во низа и сака да ја продолжи и на денешниот дуел против Башкими.
Во Струга гостува тимот на Башкими кој неколкупати покажа дека може да биде мошне непријатен и на гостувањата, а тимот на Бледи Шкемби не сака да си дозволи нов кикс како оној против Брера на домашен терен.
Дефанзивецот Жержу Маудо добро се вклопи во составот по доаѓањето од Сандерфјорд и најавува дека Струга Трим Лум ги посакува трите бода.
„Ова нема да биде лесен натпревар. Секоја средба до крајот на сезоната е исклучително важна за нас како екипа. Подготвени сме и како и на секој натпревар ќе се бориме за трите бода. Нашите навивачи се среќни само кога победуваме“, изјави Маудо.
По 14 одиграни кола, Струга Трим Лум има 11 победи, две ремија и само еден пораз, и се наоѓа на второто место на табелата.
Натпреварот меѓу Струга Трим Лум и Башкими почнува од 12.30 часот.
