Ришарлисон мора на операција на ‘рбетот

Бразилскиот напаѓач на Тотенхем, Ришарлисон, призна дека ќе оди на операција по која мора да паузира одреден период. Офанзивниот играч има долгогодишен проблем со ‘рбетот, кој ќе биде решен по операцијата.

„Последниве неколку месеци не ми беа лесни. Имав здравствени проблеми. Имав разговори со лекарите и наскоро ќе одам на операција. Мислам дека е време за одмор”, изјави Ришарлисон.

26-годишниот напаѓач оваа сезона забележа 10 настапи во Премиер – лигата, постигна еден гол и три асистенции.