Пелистер го доведе Вилдан Керим

Македонскиот второлигаш Пелистер ја отвори 2024 година со ангажман на нов фудбалер. Искусниот крилен напаѓач Вилдан Керим кој во првиот дел од сезоната беше дел од Детонит Плачковица, напролет ќе го носи дресот на Пелистер.

Во својата кариера Керим настапуваше во повеќе клубови, покрај Детонит, беше дел и од Гостивар, Вардар, Скопје, Борец, косовските Дукаѓини и Дреница, а имаше настапи и во Турција.