Легендарниот Кевин де Бруин го имаше последниот танц на „Етихад“, а аплаузи и за Родри, кој се врати во тимот на Манчестер Сити после осум месеци пауза поради повреда. „Граѓаните“ го победија Борнмут со 3-1 и направија голем чекор напред кон пласманот во Лигата на шампионите.
Омар Мармуш во 14.минута постигна прекрасен гол со удар од далечина, а Бернардо Силва зголеми на 2-0 во 38.минута.
Сити остана со фудбалер во 67.минута поради црвениот картон на Матео Ковачиќ, но возврати и Луис Кук седум минути подоцна кој исто така беше исклучен поради брутален старт.
Нико Гонзалес стави точка на триумфот на Манчестер Сити со голот во 89.минута од мечот.
Кристал Палас го победи Вулверхемптон со 4-2. Еди Нкетија беше двоен стрелец, а погодија и Бен Чилвел и Еберечи Езе за домаќинот.
