Германската фудбалска федерација ја одби жалбата на Фрајбург, за натпреварот на кој Баерн Минхен настапи со 12 играчи на теренот во финишот на средбата. Образложението е дека вината е на судијата кој не смеел да дозволи гостите да имаат 12 фудбалери на теренот во ниеден момент.
„Грешката што се случи не е по вина на Баерн, туку се однесува на судијата“, се вели во соопштението.
Баерн Минхен го доби натпреварот со 1-4, а во еден момент пред самиот финиш поради недоразбирање излегоа 12 играчи на теренот. Тоа траеше вкупно 17 секунди, а потоа Кингсли Коман ја напушти играта.
