Милан размислува да му понуди нов договор на ветеранот Симон Кјаер. Актуелниот договор на Данецот е до летото 2024 година, но „росонерите“ се подготвени да го продолжат за уште една година до 2025 година.
34-годишниот дефанзивец беше донесен во Милан во јануари 2020 година, прво на позајмица од Севилја, а потоа клубот ги откупи неговите права за 3,68 милиони евра.
Данецот брзо се наметна како лидер во одбраната на тимот и досега одигра 96 натпревари во сите натпреварувања.
Самиот Кјаер сака да ја заврши кариерата во Милан, па сигурно би бил среќен со ваква понуда од газдите.
„Сакам да ја завршам кариерата овде, ова е клубот за кој секогаш сонував“, изјави неодамна Кјаер.
