Англискиот премиерлигаш Манчестер Сити е во нов проблем кој може да резултира со казна од УЕФА. Германскиот медиум „Шпигел“ пренесува дека клубот кој е во сопственост на милијардери од Обединетите Арапски Емирати, од Абу Даби добивал пари од државната агенција.
Откриени се и незаконски плаќања на име менаџерски провизии, како и потпишување договори со малолетни играчи. Медиумот дава докази во форма на е-пошта.
Од доаѓањето на новите сопственици, Манчестер Сити само за трансфери на играчи потрошил 1,7 милијарди евра, што е најмногу во светот на фудбалот.
Останува да се види реакцијата на УЕФА и на Премиер – лигата кои строго забрануваат врски на клубовите со државата.
