Струга Трим Лум ја одбрани шампионската титула, Шкендија мина втора низ целта и ќе жали затоа што имаше меч-топка на домашен терен во Тетово, а Шкупи на крајот остана со празни раце, со оглед дека третото место не носи излез во Европа.
Тиквеш е најпријатното изненадување, Ѓорѓи Мојсов создаде репектабилен тим кој воопшто не респектираше фаворити и ги победуваше во Кавадарци.
Останатите клубови имаа свои блесоци и падови, на крајот од Првата лига испаднаа Македонија ЃП и Брегалница, а Вардар играше бараж и успеа да опстане во елитата.
МАКФУДБАЛ го избра најдобриот тим за сезоната 2023/24, а го предводи стратегот на Тиквеш, Ѓорѓи Мојсов.
МАКФУДБАЛ ТИМ НА СЕЗОНАТА 2023/24 ВО ПРВАТА ЛИГА
- АРТАН ИЉАЗИ (ШКУПИ)
- САВА РАДИЧ (СТРУГА ТЛ)
- КЛИСМАН ЦАКЕ (ШКЕНДИЈА)
- МИХАЛ ПИНТЕР (ШКУПИ)
- ЕНДРИТ КРАСНИЌИ (ШКЕНДИЈА)
- БУЊАМИН ШАБАНИ (СТРУГА ТЛ)
- ЕДИЗ СПАХИУ (ТИКВЕШ)
- МАРЈАН РАДЕСКИ (СТРУГА ТЛ)
- КРИСТИЈАН ТРАПАНОВСКИ (ШКУПИ)
- БЕСАРТ ИБРАИМИ (СТРУГА ТЛ)
- АЛЕКСА МАРУШИЌ (ВОСКА СПОРТ)
ТРЕНЕР НА СЕЗОНАТА: ЃОРЃИ МОЈСОВ
