Еден од најдобрите фудбалери на сите времиња, Португалецот Кристијано Роналдо, доби интересна понуда од Бразил.
Роналдо остана без трофеј во Саудиска Арабија, сезоната не беше успешна за Ал-Наср, а за еден од најдобрите фудбалери на сите времиња се распрашува Палмеирас.
Кристијано има дилема – понудата е примамлива, а преминот во Палмеирас би му ги отворил вратите за учество на Светското клупско првенство. Иако изгледаше дека Роналдо совршено се вклопи во Ријад, лошите резултати би можеле да ја прекинат соработката.
Португалскиот ас одигра 103 натпревари за Ал-Наср, постигна 91 гол и забележа 19 асистенции, а договорот со клубот му истекува на крајот на сезоната.
