Манчестер Сити в недела ќе го пречека Ливерпул во големото дерби за врвот во Премиер – лигата. Двете екипи остварија победи во Лигата на шампионите и во одлично расположени го очекуваат натпреварот.
„Немаме кадровски проблеми. И тоа е најважно. Играме против најсилниот можен ривал и Сити секако не прави подобри“, изјави Клоп.
Тренерот на Ливерпул вели дека ништо нема да биде готово и по овој натпревар.
„Ако победиме ќе имаме два бода повеќе, ако играме нерешено ќе остане еден бод предност за Сити, а ако загубиме тие ќе одат на четири бода позитива. Сепак, во седум кола остануваат уште 21 бод на располагање и јасно е дека ова ќе биде борба до последното коло“, истакна менаџерот на Ливерпул.
Јирген Клоп јавно го пофали својот колега на клупата на Манчестер Сити, Пеп Гвардиола.
„Гвардиола е најдобриот тренер во светот. Не верувам дека некој се сомнева во тоа“, изјави германскиот стручњак.
