Џанпјеро Гасперини реши да ја преземе Рома, а Антонио Конте одлучи да остане во Наполи. По ова, Јувентус се насочил кон португалскиот тренер Марко Силва, тврди „Скај Спорт Италија“.
Игор Тудор, кој оваа сезона го наследи Тијаго Мота, се очекува да го води Јувентус на Светското клупско првенство, но не се верува дека ќе остане долгорочно на чело на „старата дама“. Се претпоставува дека промената би се случила на почетокот од следната сезона.
47-годишниот Марко Силва веќе четврта сезона е менаџер на Фулам, кој во 2025 година го заврши шампионатот на 11. место во Премиер лигата. Пред да ги преземе „котиџерс“, Марко Силва беше тренер на Ешторил, Спортинг Лисабон, Олимпијакос, Вотфорд и Евертон.
