Тренерот на Интер, Симоне Инзаги, не го криеше задоволството откако вo првиот натпревар по паузата во Калчото, неговиот тим го победи лидерот Наполи со 1-0.
„Победивме девет од последните десет првенствени натпревари и одигравме многу добро во Лигата на шампионите, минувајќи ја и групата. Испуштивме бодови на почетокот на сезоната, но ни претстои уште долг пат. Мораме да се фокусираме на себе одејќи од натпревар во натпревар. Секоја натпревар има своја приказна. Можевме да постигнеме гол во првото полувреме, но поради сопствените грешки и добрите одбрани на нивниот голман не успеавме. Да се победи лидерот е големо достигнување и треба да ни даде самодоверба за идните мечеви. Битка за титулата? Има уште толку многу натпревари до крајот, а паузата од Светското првенство беше нешто ново за сите“, изјави Симоне Инзаги.
Наполи, кој го претрпе првиот пораз оваа сезона, останува на врвот на табелата во Серија А со 41 бод. Интер е четврти со 33 бода.
