Интер можеби не е фаворит според обложувалниците пред вечерашното финале од Лигата на шампионите против Пари Сен Жермен, но тимот на Симоне Инзаги има повеќе од доволно причини за самодоверба. „Нерoаѕурите“ покажаа извонредна стабилност и дисциплина во новиот формат на елитното европско натпреварување, со тоа што во текот на 14-те одиграни меча досега, губеа во резултатот само вкупно 17 минути.
Шест од тие минути беа во вториот полуфинален натпревар против Барселона, кога по голот на Рафинја за 3-2, Ачерби израмни пред последниот . Истото се случи и против Баерн Минхен на „Сан Сиро“ – Хари Кејн погоди за водство на гостите, но Лаутаро Мартинес го изедначи резултатот. Единствените преостанати минути во кои Интер бил во негатива се во поразот од 0-1 против Баер Леверкузен во групната фаза.
Таквото дефанзивно и тактичко надминување на силни противници, со минимална изложеност на притисок, ја покажува зрелоста и цврстината на овој тим на Интер – нешто што може да биде клучно на вечерашниот голем финален натпревар.
