Италијанскиот првак Интер одлучи да му понуди нов договор на својот дефанзивец Милан Шкриниар, бидејќи неговиот актуелен договор истекува за една година. Понудата на „нероаѕурите“ ќе биде за договор до 2026 година и зголемување на годишната плата од 3,5 милиони евра на 5 милиони.
Целта на клубот е да го задржи својот дефанзивец со оглед на информациите дека интерес за него имаат Манчестер Јунајтед и Тотенхем. Шкриниар е еден од најстандардните фудбалери на Симоне Инзаги оваа сезона, а досега настапи на 38 натпревари и постигна четири гола.
