Младинскиот репрезентативец Марко Алчевски е промовиран како ново засилување за израелскиот прволигаш Хапоел Ерусалим.
„Среќен сум што потпишав за Хапоел Ерусалим. Убеден сум дека овој клуб е најсоодветно место за мојот развој и возбуден сум што ќе најдам нов дом тука. Ќе дадам сè за тимот да ги оствари своите цели. Ајде Хапоел!“, изјави досегашниот голман на Брера.
Минатата сезона Марко Алчевски бранеше на 29 натпревари за тимот на Брера, прими 25 гола и на десет натпревари успеа да ја сочува мрежата. Тој ја носеше капитенската лента на струмичкиот тим.
