Првиот летен трансфер на Ливерпул е веќе официјално потврден – Џереми Фримпонг пристигна на „Енфилд“ од Баер Леверкузен.
„Црвените“ ја активираа откупната клаузула од 35 милиони евра и не губеа време – го обезбедија потписот на холандскиот репрезентативец, кој потпиша петгодишен договор. Фримпонг ќе ја засили конкуренцијата на десната страна, каде што доаѓа како замена за Трент Александер-Арнолд, кој летово се пресели во Реал Мадрид.
Но, Фримпонг не е „само десен бек“. Овој експлозивен фудбалер може да покрие и офанзивни улоги по крилните позиции – па нема да биде чудно ако го видиме и во улога на Салах, особено кога Египќанецот ќе има пауза.
Новиот играч на Ливерпул не го криеше своето воодушевување:
„Кога Ливерпул се јави – не размислував воопшто. Им реков на агентите: направете што треба, јас сакам таму! Фанови, ќе добиете сѐ од мене – страст, борбеност и желба за победа. Возбуден сум што сум дел од овој клуб и едвај чекам да започнеме!“
