Македонскиот репрезентативец Елиф Елмас се врати во редовите на Наполи и веќе утре треба официјално да биде претставен како дел од тимот. Вечерва тој беше во ложата на „Диего Армандо Марадона“ и го проследи драматичниот триумф на Наполи против Каљари од 1-0.
„Аѕурите“ до победата стигнаа во последните моменти од судиското продолжение, кога Франк Ангиса во 95. минута го постигна единствениот гол на натпреварот. Со тоа Наполи беше награден за својата офанзива и заслужено впиша три бода.
Очекувањата се дека Елмас веќе од следното коло ќе биде во комбинација за составот на актуелниот шампион.
Минимална, но вредна победа запиша и Рома, која на гостувањето кај Пиза славеше со 0-1. Стрелец на победничкиот погодок беше Матијас Суле во 55. минута.
