Дождот носи среќа…Фудбалерите „искиснаа“ на тренингот во Ријека (ФОТО)

Ако има дожд, ќе има и бериќет, велат старите…Силен дожд вечерва ги пречека македонските фудбалски репрезентативци на официјалниот тренинг на „Рујевица“, пред утрешниот пријателски натпревар против Хрватска.

Но, и покрај дождливото време, селекторот Благоја Милевски ги одработија планираните активности и максимално мотивирани го очекуваат утрешниот дуел. Хрватска е секако голем предизвик за нас, со оглед дека, како што вели селекторот, се работи за селекција која е во Топ 5 во Европа.