Англискиот премиерлигаш Манчестер Сити планира ова лето да го донесе Џанлуиџи Донарума од ПСЖ. Пеп Гвардиола сака да ја искористи неизвесноста околу продолжувањето на договорот на италијанскиот голман и е подготвен да му понуди клучна улога во тимот.
Донарума засега е отворен за сите опции, а ПСЖ сè уште не донел конечна одлука за неговите барања за продолжување на договорот. Наводно е подготвен да прифати иста плата каква што има според актуелниот договор до 2026 година, но не е подготвен да ја намали.
Преговорите со раководството на ПСЖ сега сигурно ќе се интензивираат, откако францускиот клуб на најдобар можен начин ја заокружи сезоната со освојување на дури четири трофеи.
