![](https://makfudbal.mk/wp-content/uploads/2024/06/zlatko-dalic-pres.jpg)
Фудбалската репрезентација на Македонија утревечер (19 часот) на „Рујевица“ во Ријека ќе одигра пријателски натпревар против Хрватска, која се подготвува за настап на Европското првенство. Селекторот Златко Далиќ сѐ уште го нема на располагање комплетниот состав, со оглед дека Лука Модриќ синоќа со Реал Мадрид играше во финалето на ЛШ.
Откри дека стартер ќе биде Иван Перишиќ, а Македонија треба да биде нивна подготовка за мечот против Албанија на ЕВРО 2024.
„Одработивме пет тренинзи, немам замерки, само посакувам момците да продолжат во таков ритам. И да се избегнат повреди, тие работат многу добро, полни се со мотивација, секој тренинг е сѐ подобар. Респект за Македонија, ја замисливме како преднатпревар за ЕВРО 2024, повеќе кон Албанија гледаме како да играме, понапаѓачки, со повеќе напаѓачи. Тоа е нашата цел, ќе им дадеме шанса на 16 играчи, некои ќе одмориме, некои нема да стартуваат, некои нема ни да играат. Нема да го користиме ниту Влашиќ иако е во добра состојба. Можам да кажам дека Перишиќ ќе биде стартер, да видиме во каква состојба е, инаку тренира одлично“, изјави Златко Далиќ.
Фудбалерот на Манчестер Сити, Матео Ковачиќ, по стоти пат ќе игра за Хрватска.
„Стотиот натпревар меч на Ковачиќ е голема работа. Утре пристигнуваат Брозовиќ и Пашалиќ, во вторник доаѓа Лука Модриќ, се надевам сите ќе бидат подготвени. Потоа фокусот ќе биде на Португалија и сѐ што ни следи“, изјави хрватскиот селектор.
![](https://makfudbal.mk/wp-content/uploads/2021/02/logo.jpg)
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski
![](https://makfudbal.mk/wp-content/uploads/2024/09/zfk-ljuboten-7-1-80x80.jpg)
Женски фудбал
ЖФК Љуботен со утешна, но и историска победа во ЛШ
![](https://makfudbal.mk/wp-content/uploads/2024/09/kasemiro-junajted-888-80x80.jpg)