Светскиот шампион со Франција од 2018 година, Н’Голо Канте, би можел да се пресели во Атлетико Мадрид. Според неколку доверливи извори од Шпанија, Французинот е подготвен значително да ги намали своите финансиски барања за да се вклопи во буџетот на мадридскиот клуб.
Атлетико Мадрид веќе остварил важни контакти со претставникот и братот на францускиот фудбалер, и му објаснил дека Диего Симеоне го гледа Канте како идеално засилување за средниот ред.
Истовремено, се споменува дека Атлетико не се откажува од Конор Галагер и има намера да ги доведе и двајцата фудбалери во своите редови.
Канте моментно е член на Ал-Итихад, но по неговите одлични настапи на неодамнешното Европско првенство, повторно привлече големо внимание кај европските гиганти.
Атлетико Мадрид веќе ги ангажираше Робин Ле Норман, Хулијан Алварез и Александар Сорлот, па ова лето би можело да биде успешно на трансфер пазарот за клубот од Мадрид.
