Турскиот гигант Бешикташ е заинтересиран за играчот од средниот ред на Баерн Минхен, Марсел Забицер, пишува „Фанатик“. 29-годишниот Австриец не е во плановите на тренерот на Баварците, Томас Тухел, и ќе си замине ова лето.
Играчот од средниот ред играше на позајмица во Манчестер Јунајтед, каде беа задоволни од неговите игри, но не сакаа да го купат бидејќи го таргетираа Мејсон Маунт од Челси.
Баерн е подготвен да го продаде Забицер за околу 17 милиони евра, а информациите велат дека Бешикташ е подготвен да ги задоволи финансиските услови и на Баварците и на фудбалерот.
Марсел Забицер има договор со Баерн на уште две години, а следната недела ќе почнат преговорите со Бешикташ.
