Барселона во последен миг успеа да извлече победа на „Месталја“ и да слави против Валенсија со 0-1. Стрелец на победничкиот гол е волшебникот Роберт Левандовски, кој во 94.минута погоди по асистенцијата на Рафиња.
Полјакот буквално се фрли по топката и со еден допир успеа да ја испрати топката на вистинското место.
Барселона имаше доминација на мечот, но не успеваше да обезбеди водство. На крајот тоа сепак му успеа на Левандовски.
Барселона со овој триумф сега се искачи на врвот со 31 бод, колку што има и Реал Мадрид, кој утре ја пречекува Џирона.
