Германскиот првак Баерн Минхен купил луксузна баварска вила што ќе ја понуди за користење на Хари Кејн, најдобриот стрелец во историјата на Тотенхем и главна цел на клубот ова лето.
Договорот на Кејн истекува за една година и ова е веројатно последна шанса за Тотенхем да заработи добри пари од него.
Во меѓувреме, Хари Кејн денеска беше во првиот тим на Тотенхем на пријателскиот натпревар против Шахтјор (5-1) и постигна дури четири гола. Со оглед дека продолжуваат преговорите со Баерн, за очекување беше тренерот Анге Постекоглу да го изостави од тимот. Но, напротив, тој го водеше Тотенхем до убедлива победа.
