Милан и официјално потврди дека Масимилијано Алегри е новиот предводник на тимот од „Сан Сиро“. По пауза од 11 години, искусниот стратег се враќа на клупата на „росонерите“ со јасна цел – враќање на шампионскиот сјај.
Алегри го наследува Серџо Консеисао, кој од вчера и формално повеќе не е дел од клубот. Познатиот италијански тренер замина од Милан во 2014 година, по што ја презеде Јувентус, со кого освои пет титули во Серија А и играше во две финалиња на Лигата на шампионите.
„Му посакуваме топло добредојде и многу успех на Масимилијано и неговиот стручен штаб“, објавија од клубот.
