Пропадна најголемиот трансфер во историјата на фудбалот, со оглед дека Килијан Мбапе го одби Ал-Хилал, но тие се вртат кон уште една ѕвезда, напаѓачот на Наполи, Виктор Осимхен. Нигериецот отпатувал за Париз, каде во моментов се наоѓаат претставниците на Ал-Хилал.
Сѐ уште не е објавено колкава е сумата што ја нуди Ал-Хилал за голгетерот на италијанскиот шампион, а медиумите на Апенините тврдат дека Осимен заминал на прошетка кај пријатели во главниот град на Франција. Сепак, јасно е дека Ал-Хилал ќе се обиде да го доведе Осимен во Саудиска Арабија.
Тој во минатото играше за нигерискиот клуб Ултимејт Страјкерс, Волфсбург, Шарлроа и за Лил, од кои пристигна во Наполи во 2020 година за 75 милиони евра.
Италијанскиот клуб му подготвува нов договор, а сегашниот му истекува во 2025 година.
