Македонскиот интернационалец Агим Ибраими го напушти албанскиот прволигаш Кукс и ќе има нов предизвик во кариерата. Тој потпиша договор со Динамо Тирана, тим кој има многу поголеми амбиции во албанскиот шампионат.
Ибраими беше капитен на тимот на Кукс минатата сезона и имаше одлични настапи постигнувајќи 15 гола во првенството на Албанија.
“Би сакал да се заблагодарам на раководството, стручниот штаб, фудбалерите и навивачите на Кукс за пријатните мигови во клубот. Благодарност за довербата и за капитенската лента”, истакна Агим Ибраими.
