Новото засилување на Ливерпул, Рајан Гравенберх, ќе го има своето официјално деби за „црвените“ претстојниот викенд кога тимот ќе ги одмери силите против Вулверхемптон.
Гравенберх потпиша за Ливерпул во последните моменти од преодниот рок, откако клубот постигна договор со колегите од клубот Баерн Минхен за договор вреден 34 милиони фунти.
Играчот од средниот ред не можеше да дебитира на последниот натпревар против Астон Вила, бидејќи договорот за негов ангажман беше официјално финализиран по завршувањето на преодниот рок.
Гравенберх потоа го одби повикот во младинската репрезентација на Холандија со цел да се концентрира на тренинзите со Ливерпул. Неговата одлука ја критикуваше селекторот на „лалињата“ до 21 година, Михаел Рајцигер.
