Македонскиот селектор Игор Ангеловски во комплетен состав го одработи попладневниот тренинг на вториот ден од подготовките за натпреварите со Ерменија и со Грузија на стартот од новата сезона во Лигата на нации.
Веќе под „полна пареа“ се активираа македонските репрезентативци. Од првичниот список отпаднаа единствено голманот Столе Димитриевски, кој е позитивен на коронавирусот, и Даниел Аврамовски поради повреда. Сите останати фудбалери се на располагање, во очекување единствено уште на новоповиканиот голман Мартин Богатинов кој треба да се приклучи во текот на утрешниот ден.
