Иван Тричковски нема да може да му помогне на македонскиот национален тим на утрешниот натпревар против Ерменија, на стартот од новото издание од Лигата на Нации. Голгетерот одлично ја стартуваше сезоната постигнувајќи погодок на дуелот против АПОЕЛ, но заработи повреда поради која во изминатиот ден тренираше со намален интензитет.
Обидите на лекарскиот тим да го оспособат за настап против Ерменија не вродија со плод, па на крај беше донесена одлука тој да не биде во тимот на утрешниот натпревар.
„Тричковски дефинитивно нема да може да настапи против Ерменија. Останува да видиме дали ќе може да се рехабилитира навреме за настап во второто коло против Грузија“, истакна селекторот Игор Ангеловски.
