Напаѓачот на Баер Леверкузен, Патрик Шик, е трансфер цел на Манчестер Јунајтед. Чешкиот репрезентативец во последните месеци го следат скаути на „црвените ѓаволи“, а менаџерот Ерик тен Хаг сака да го има 26-годишниот фудбалер во својот тим.
Договорот на Шик со Баер Леверкузен е до летото 2026 година, а неговата вредност е над 50 милиони евра.
Патрик Шик оваа сезона одигра 15 натпревари во сите натпреварувања и постигна два гола. Напаѓачот во својата кариера настапуваше за Рома, Сампдорија, Бохемијанс, Спарта Прага и за Лајпциг.
