Фудбалската репрезентација на Украина вечерва го игра првиот плеј-оф натпревар за пласман на Светското првенство. Емоциите на Украинците во пресрет на дуелот со Шкотска се измешани. Во периодот кога во државата беснее војна по инвазијата на Русија, фудбалерите на Украина ќе се борат за пласман на мундијалот.
“Тешко е, не можеме да мислиме на фудбал кога нашиот народ е тероризиран и во нашата земја беснее војна. Само сакаме да престане војната. Но, максимално сме мотивирани да истраеме и да направиме ново херојско дело за да го израдуваме барем малку нашиот народ. Слава на Украина”, изјави во солзи Олександр Зинченко.
Дуелот меѓу Шкотска и Украина се игра вечерва на “Хемпден парк”.
