Белгискиот голман Тибо Куртоа беше херој на Реал Мадрид во освојување на 14. титула европски првак. Тој изненади со изјавата по големиот успех, дека ќе мора да ја прошушти свадбата на брат му која е закажана за утре.
„Неверојатно е, толку многу години, толку многу работа. Дојдов во клубот на мојот живот и имаше многу кои ме критикуваа. Денеска покажавме кој е „кралот“ на Европа. Се чувствував добро последните неколку недели. Откако ќе ја направите првата одбрана… Никој не можеше да ми ја одземе желбата да ја освојам Лигата на шампионите. Жал ми е за брат ми, кој утре се жени и не можам да бидам таму. Во понеделник има уште една церемонија, склучување на граѓанскиот брак и јас ќе бидам таму“, изјави Тибо Куртоа за „АС“ по големото финале во ЛШ.
