Лука Модриќ (39) го потврди своето заминување од Реал Мадрид, a италијанскиот гигант Интер покажал сериозен интерес за доведување на капитенот на Хрватска.
Според извори блиски до клубот, „нероаѕурите“ планираат да му понудат едногодишен договор, со цел искусниот играч од средниот ред да остане во врвна форма пред Светското првенство што ќе се одржи следната година.
Интер верува дека искуството и квалитетот на Лука Модриќ би можеле да бидат клучни во борбата за домашни и европски трофеи, а исто така сметаат дека Серија А би можела да биде идеално опкружување за последната година на Модриќ пред неговото репрезентативно збогување.
Иако сè уште нема официјална потврда од двете страни, италијанските медиуми пренесуваат дека преговорите веќе започнале, а одлуката би можела да биде донесена во наредните неколку недели.
