Раководството на Реал Мадрид продолжува со активни потези на трансфер пазарот во обид да го засили тимот пред Светското клупско првенство ова лето.
На „Сантијаго Бернабеу“ веќе се финализирани трансферите на: Трент Александер-Арнолд, Дин Хујсен, a се очекува наскоро да пристигне и Алваро Карерас, левиот бек од Бенфика.
Според шпанските медиуми, новата трансферна цел на Реал Мадрид е Анџело Штилер од Штутгарт. Новиот тренер на „кралевите“, Чаби Алонсо, има намера да донесе дефанзивен играч за врска, но со способност да го води изнесувањето на топката и да го диктира темпото на игра, каков што беше Тони Крос.
Прв избор на Чаби Алонсо бепе Мартин Зубименди, но играчот на Реал Сосиедад веќе е пред потпис со Арсенал, што го натера стратегот да му предложи на клубот да се насочи кон Штилер.
Анџело Штилер, 23-годишен германски фудбалер, блескаше во средниот ред на Штутгарт оваа сезона и беше клучна фигура во нивниот пласман при врвот на Бундес-лигата.
