Џирона, тимот на македонскиот репрезентативец Бојан Миовски, оствари значајна победа во трката за опстанок во Ла Лига, совладувајќи го Валјадолид на гостински терен со минимални 0-1.
Во натпревар со малку шанси и голема борба на средината од теренот, гостите од Каталонија долго време не успеваа да го пробијат добро организираниот дефанзивен ред на домаќините. Сепак, клучниот момент се случи во 80. минута, кога искусниот напаѓач Кристијан Стуани погоди за водство и победа на Џирона.
Со оваа победа, Џирона освои три клучни бода и сега е многу блиску до обезбедување опстанок во шпанската елита
Македонскиот напаѓач Бојан Миовски овојпат го проследи натпреварот од клупата за резерви и не доби минутажа од тренерот.
