Македонскиот фудбалски репрезентативец Дарко Чурлинов е на прагот да се пресели во Полска и да потпише за шампионот Јагиелонија. Тој веќе ги договорил личните услови за едногодишна позајмица со новиот клуб, а сега останува само клубовите Јагиелонија и Барнли да постигнат договор.
По завршувањето на позајмицата во Шалке, Чурлинов се врати во Барнли, но очигледно е дека не е дел од плановите на тимот за новата сезона во Чемпионшип.
Јагиелонија го започна новиот шампионат во Полска со три победи, и според полските извори, тие во Чурлинов гледаат квалитетно засилување.
