Дани Карвахал е еден од најниските на теренот на „Вембли“, но скокна највисоко и погоди во 74.минута за водство на Реал Мадрид од 1-0 против Борусија Дортмунд во финалето на Лигата на шампионите. Тони Крос изведе корнер од левата страна, а десниот бек на првиот дирек скокна правовремено и ја испрати топката зад грбот на Кобел.
Борусија Дортмунд беше подобар противник во првиот дел, Карем Адејеми излезе сам пред Тибо Куртоа, но не успеа да донесе предност, а потоа и Никлас Фулкруг го погоди дирекот.
Но, Реал Мадрид има водство и е на прагот на 15. европска круна.
