Над 50.000 жители на Бергамо се собраа во петокот вечерта за да го прослават историскиот триумф на Аталанта во Лигата на Европа.
Како што е познато, „нероаѕурите“ на 22 мај победија во финалето во Даблин со убедливи 3-0 над германскиот шампион Баер Леверкузен и со тоа го освоија првиот европски трофеј во клупската историја. Затоа синоќа низ улиците на Бергамо имаше шампионско дефиле каде имаше вистинска прослава со многу факели и скандирања.
Врвот беше на плоштадот Фрицони, каде фудбалерите се забавуваа со десетици илјади поддржувачи.
На петочната забава низ градот и претходеше уште еден настан кој исто така го прослави европскиот триумф. Станува збор за посетата на целиот тим на Градското собрание, каде градоначалникот Џорџо Гори ги награди Џанпјеро Гасперини и неговиот стручен штаб со граѓански орден за спортски заслуги. Така, клубот доби диплома и специјален златен медал поради глорификацијата на Бергамо во европски и светски размери.
