Напаѓачот на Реал Мадрид, Винисиус Жуниор, претходните два дена имал треска, но, сепак, ќе биде стартер за Реал Мадрид во финалето на Лигата на шампионите против Борусија Дортмунд.
Според „Релево“, Бразилецот не се чувствувал добро во четвртокот и петокот, но утрово се разбудил во многу подобра здравствена состојба.
Медицинскиот персонал на „кралскиот клуб“ максимално се заложил да ја сочува тајната, па дури Винисиус Жуниор и тренирал со соиграчите за да не биде „пробиена“ оваа тајна.
Резервниот голман Андриј Лунин исто така имаше грип и беше изолиран од тимот, но денеска се приклучи на тимот во Лондон и вечерва ќе биде на клупата за резерви на „Вембли“.
