Реал Мадрид е фаворит, а Карло Анчелоти веќе неколку дена нема дилеми и знае кои се неговите стартери за финалниот меч. „Кралскиот клуб“ неколку часа порано од предвиденото го откри стартниот состав за дуелот против Борусија Дортмунд на „Вембли“.
На голот е Тибо Куртоа, во одбраната се Начо и Рудигер како централни дефанзивци, Карвахал на десната странична позиција, а Ферлан Менди е лев бек.
Тони Крос ќе диригира со средниот ред, поддржан од Федерико Валверде, Едуардо Камавинга и од Џуд Белингам.
Во нападот се Винисиус Жуниор и Родриго.
Финалето на „Вембли“ стартува од 21 часот.
