Женските селекции до 17 и до 19 години ги добија ривалите во квалификациите за ЕП

На денешното извлекување во седиштето на УЕФА, беа извлечени групите за квалификациите за пласман на Европско првенство за жени до 17 и до 19 години. Македонските репрезентации за жени до 17 и до 19 години ги добија противниците за  следната натпреварувачка 2024 2025 сезона во рамките на квалификациите. Европското првенство за жени до 19 години ќе се одржи во Полска 2025 година, додека домаќин на завршниот турнир за жени до 17 години ќе бидат Фарски Острови.

Женската репрезентација до 19 години се наоѓа во А лигата, во група 2 заедно со Франција, Словачка и Португалија. 

Репрезентацијата за жени до 17 години е во групата 3 од Б лигата каде противници ќе и бидат Унгарија, Литванија и Андора. Мини турнирот ќе се одигра од 1 до 9 ноември. Домаќин ќе биде Унгарија.