Владата на вечерашната седница која се одржа веднаш по историскиот успех на фудбалската репрезентација, реши да го одврзе ќесето и да ги награди фудбалерите и сите членови на националниот тим.
„Вечерва на седница на Владата донесовме одлука од буџетските резерви да ги наградиме сите членови на македонската фудбалска репрезентација со по 10.000 евра, за историскиот успех – пласман на Европско првенство, објави премиерот Зоран Заев.
Фудбалската репрезентација вечерва со чартер авион се враќа во државата, но поради магла најверојатно ќе мора да слета на аеродромот во Приштина.
