Македонскиот стратег Александар Васоски е нов тренер на култниот босански клуб Сараево. Тој денеска ја имаше официјалната промоција во новиот клуб.
„Чест ми е и задоволство што Сараево и сопственикот Исмир ме препозна да бидам дел од овој проект. Притисокот е голем, но јас веќе го доживеав. Целта е клубот да излезе во Европа и да го освои Купот, а потоа да развие играчи од академијата, утре да бидат играчи за националниот тим“, изјави Васоски.
Македонскиот стручњак зборуваше и за планот за подготовка за вториот дел од сезоната.
„Денеска е прозивката во 13 часот. На 19 февруари одиме во Љубушки и таму ќе одиграме два натпревари. Потоа одиме во Анталија, каде не очекуваат четири натпревари и се враќаме во Сараево“, изјави новиот тренер на бордо клубот.
Васоски вели дека ги гледал сите натпревари во Сараево и има претстава за квалитетите на тимот.
„Тимот треба да игра малку поофанзивно и поатрактивно, особено на Кошево. Ги гледав сите натпревари во Сараево, таму има квалитет. Имам во мојата глава како треба да играме, но треба да го почувствувам тимот на тренинзите. Лигата е изедначена, Зрињски малку се издвојува на табелата, но повторно секој може секого да победи“, истакна Васоски.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski