УЕФА соопшти дека Вардар ја избегнал двегодишната суспензија од европските купови, која како условна им беше поставена во декември минатата година поради неисплатени долгови. Од Европската куќа на фудбалот дадоа официјална информација дека раководството на „црвено-црните“ ги подмирило долговите кои клубот ги имал до 30 септември 2018 година.
„Вардар до контролното тело достави докази со кои го задоволи судскиот совет и фактот дека условите кои беа поставени за избегнување суспензија, се исполнети”, стои во објавата на УЕФА.
Сепак, најтрофејниот македонски клуб оваа сезона не доби лиценца за настап во квалификациите за Лигата на Европа, поради нови финансиски проблеми.
