Реал Мадрид најверојатно нема да доведе нови засилувања во зимскиот трансфер-прозорец, но може да има играчи кои ќе го напуштат „Сантијаго Бернабеу“. Еден од нив е 19-годишниот бразилски напаѓач Ендрик, кој од почетокот на сезоната добива многу малку шанси за настап.
Гонзало Гарсија е вториот избор зад Мбапе, па Реал не планира да се раздели со него. Тоа го става Ендрик во незавидна позиција, особено со оглед на неговата желба да игра за Бразил на Светското првенство 2026.
Според „Л’Екип“, Ендрик е отворен за трансфер во Олимпик Марсеј, кој уште летово покажа интерес. Сè уште не е јасно дали станува збор за позајмица или траен трансфер, но најверојатно Реал ќе дозволи само позајмица со гарантирани редовни настапи за играчот.
