Германскиот гигант Баерн Минхен сѐ уште активно бара нов тренер, а работите на „Алијанц арена“ се менуваат со експресно темпо. Во прв план сега повторно е Унаи Емери, актуелниот менаџер на Астон Вила.
Откако Џулијан Нагелсман реши да потпише нов договор со Фудбалската федерација на Германија и да остане на клупата на репрезентацијата, Баерн се сврте кон други опции.
Повторно се споменуваше Зинедин Зидан, но сигурни извори блиски до клубот брзо ја демантираа гласината од Шпанија.
Сепак, само еден ден подоцна се појави информација дека Емери е името кое се наоѓа во плановите на раководството на Баерн Минхен.
Германски извори пишуваат дека Баерн го почитува неговото минато работење, особено во Европа, каде што се истакна со освојувањето на Лигата на Европа со Севилја и со Вилјареал, со кои дури и успеа да стигне до полуфиналето на Лигата на шампионите, додека сега е во полуфиналето од Конференциската лига со Астон Вила.
Емери има договор со Астон Вила која нема да го пушти така лесно, но своевремено тој реши да го напушти Вилјареал кога го повика Арсенал, па зошто не би побарал да замине во Баерн Минхен доколку интересот стане сериозно голем.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski