Популарните фудбалски налепници и албуми кои ги произведуваше „Панини“ заминуваат во историјата. УЕФА одлучи да го замени ексклузивниот производител на картички и налепници. Отсега тоа ќе биде компанијата „Топс“, која ќе го замени „Панини“.
„Топс“ ќе произведува сликички и албуми за Европското фудбалско првенство во 2024 и 2028 година, Европското првенство за жени во 2025 година и Лигата на нации во 2028 година.
„Панини“ ќе остане под договор со ФИФА и ќе произведува налепници за претстојното Светско првенство. Инаку, „Панини“ го издаде својот прв албум со слики од фудбалери во пресрет на Светското првенство во 1970 година. Изработи и налепници за последното Европско првенство.
