Српскиот првак Црвена Звезда е на чекор до пласман во плејофот за групите во Лигата на шампионите откако го победи Пјуник со 5-0. Осман Букари беше незадржлив за гостинските дефанзивци, успеа да постигне хет-трик, а со голови му се придружија и Кингс Кангва и Стефан Митровиќ.
Во тимот на Пјуник во второто полувреме заигра и македонскиот интернационалец Марјан Радески.
Динамо Киев со 1-0 го совлада Штурм со голот на Олександр Караваев. Макаби Хаифа беше убедлив против Аполон и славеше со 4-0.
